पत्रकार बालासाहेब शिंदे उत्कृष्ट कार्यकर्ता पुरस्काराने सन्मानित

पत्रकार बालासाहेब शिंदे उत्कृष्ट कार्यकर्ता पुरस्काराने सन्मानित

उदगीर/प्रतिनिधी 

उदगीर;निस्वार्थी जनहित बहु.संस्था सावली, जिल्हा चंद्रपूर द्वारा संचलित व आरटीआय, माहिती अधिकार संघर्ष समिती महाराष्ट्र राज्याच्या वतीने दिला जाणारा राज्यस्तरीय आरटीआय, माहिती अधिकार उत्कृष्ट कार्यकर्ता पुरस्कार अतनूर तालुका जळकोट जिल्हा लातूर येथील ज्येष्ठ पत्रकार दैनिक " पुण्यनगरी " चे प्रतिनिधी बालासाहेब गोविंदराव शिंदे अतनूरकर यांना शिर्डीचे खा. भाऊसाहेब वाकचौरे व माहिती अधिकार संघर्ष समिती महाराष्ट्र राज्याचे राज्याध्यक्ष अजय तुम्मे यांच्या हस्ते दि.१ डिसेंबर २०२४ रोजी सकाळी ११ः०० वाजता. माहिती अधिकार संघर्ष समिती महाराष्ट्र राज्य यांच्या वतीने साई आश्रम २ , धर्मशाळा जुन्या कॉलेज जवळ, हेलीपॅड रोड कातोरे वस्ती, नवीन भोजनालयाच्या पाठीमागे निमगाव, शिर्डी येथे राज्यव्यापी दोन दिवसीय महा अधिवेशनात प्रदान करण्यात आला. यावेळी संस्थापक अध्यक्ष अजय तुम्मे, संस्था सचिव सौ.गायत्री अजय तुम्मे, क्रीडा व योग सेवा नागपूरचे उपसंचालक चंद्रशेखर पाटील, एकात्मिक आदिवासी विकास प्रकल्प अधिकारी चंद्रपूरचे विकास राचेलवार, जिल्हा क्रीडा अधिकारी अविनाश पुंड, तालुका क्रीडा अधिकारी विनोद भाऊ ठिकरे, रुग्णहक्क परिषदेचे मुंबई अध्यक्ष धनंजय पवार, यशदा पुणे येथील आरटीआय टीचर ऑफ ट्रेनर पुण्याचे सादु दादू भोसले, श्री.साई संस्थान शिर्डीचे सदस्य व पदाधिकारी उपस्थित होते. माहिती अधिकारात उत्तम कामगिरी केली असल्याने हा पुरस्कार मिळाल्याबद्दल त्यांचे सर्वत्र कौतुक व अभिनंदन करण्यात येत आहे.