८० लाखासाठी २६ वर्षीय विवाहितेचा छळ; सासरा व दिरांनी केला विनयभंग..

८० लाखासाठी २६ वर्षीय विवाहितेचा छळ; सासरा व दिरांनी केला विनयभंग..

१६ तोळे सोन्याची दागिन्यांची केली परस्पर विक्री..

उदगीर ग्रामीण पोलीस ठाण्यात ६ जणांविरुद्ध गुन्हा..

उदगीर : प्रतिनिधी

उदगीर शहरातील २६ वर्षीय विवाहितेला प्लाॅट घेण्यासाठी माहेरहून ८० लाख रुपये घेऊन ये म्हणून मानसिक व शारीरिक छळ केला व सासरा व दिरांनी स्त्री मनाला लज्जा उत्पन्न होईल असे कृत्य करुन विनयभंग केले. याप्रकरणी रविवारी १ जून पहाटे उदगीर ग्रामीण पोलीस ठाण्यात सासरच्या सहा जणांविरुद्ध गुन्हा दाखल करण्यात आला आहे.

याबाबत अधिक माहिती अशी की, ८ मार्च २०२० ते २६ ऑक्टोबर २०२४ पर्यंत विवाहितेस सासरी मौजे डोंनगाव (ता. कमालनगर जि.बीदर राज्य कर्नाटक) येथे सासरच्या मंडळींनी आपसात संगनमत करून पती, सासू आणि दोन्ही नणंद यांनी विवाहितेस तु पांढऱ्या पायाची आहेस तुझ्यामुळे आम्हाला वाईट दिवस आले. तुला जर घरात रहायचे असेल तर गणेशला प्लॅट घेण्यासाठी ८० लाख रुपये घेवुन ये म्हणुन शिवीगाळ करुन चापटाने व लाथा बुक्क्यांनी मारहाण करुन, जाच जुलुम करुन शारीरीक व मानसिक त्रास देवुन उपाशीपोटी ठेवुन छळ केला तसेच दिर व सासरे यांनी विवाहितेचे कपडे फाडुन स्त्री मनाला लज्जा उत्पन्न होईल असे कृत्य करुन शिवीगाळ करुन, लाथा बुक्क्यांनी मारहाण करुन जीवे मारण्याची धमकी दिली. तसेच विवाहितेचे १६ तोळ्याचे दागीने विश्वासाने घेवुन परत न देता परस्पर विकुन टाकुन विश्वसघात केला. अशी तक्रार २६ वर्षीय विवाहितेने दिल्यावरुन उदगीर ग्रामीण पोलीस ठाण्यात कलम ८५, ७४, ३१६(२), ११५(२), ३५१(२), ३(५) भारतीय न्याय सहिंता २०२३ प्रमाणे पती- गणेश श्रीकांत शेगेदार, सासु तेजम्मा श्रीकांत शेगेदार (दोघे रा डोणगाव ता कमालनगर जि बिदर राज्य कर्नाटक), नणंद- कलावती रमाकांत बेंबरेकर (रा देगलुर ता देगलुर जि नांदेड), छोटी नणंद- सुजाता शिवशंकर मठपती (रा.हुबळी राज्य कर्नाटक), दिर- दिलीप श्रीकांत शेंगेदार, सासरे- श्रीकांत विश्वनाथ शेंगेदार (दोघे रा.डोणगाव ता. कमालनगर जि बिदर राज्य कर्नाटक) यांच्या विरोधात गुन्हा नोंद करण्यात आला आहे. अधिक तपास पोलीस उपनिरीक्षक कदम हे करीत आहेत.