उदगीर तालुका पत्रकार परिषदेच्या अध्यक्ष पदी युवराज धोतरे यांची निवड

उदगीर तालुका पत्रकार परिषदेच्या अध्यक्ष पदी युवराज धोतरे यांची निवड

उदगीर : उदगीर तालुका पत्रकार परिषद अध्यक्षपदी युवराज धोतरे यांची निवड करण्यात आल्याची घोषणा परिषदेचे अध्यक्ष मिलिंद अष्टीवकर यांनी केली असून पत्रकार क्षेत्रात ही एक महत्त्वाची घडामोड मानली जात आहे. त्यांच्या निवडीमुळे स्थानिक पत्रकारांमध्ये उत्साहाचे वातावरण निर्माण झाले आहे. पत्रकारितेतील त्यांचा अनुभव, अभ्यासू वृत्ती आणि संघटन कौशल्य यामुळे परिषदेला नवे बळ मिळणार असल्याची अपेक्षा व्यक्त केली जात आहे.

दरम्यान, उदगीर येथे अखिल भारतीय मराठी पत्रकार परिषदेचे  ४४ वे राष्ट्रीय अधिवेशन पार पडणार आहे. अधिवेशन यशस्वीपणे पार पाडण्यासाठी त्यांच्या टीमने प्रयत्न करावेत अशा सूचना त्यांना देण्यात आल्या.या अधिवेशनासाठी तालुक्यासह जिल्ह्यातील तसेच राज्यातील अनेक पत्रकार उपस्थित राहणार असून विविध विषयांवर चर्चा, मार्गदर्शन सत्रे आणि पत्रकारांच्या समस्यांवर विचारमंथन होणार आहे.अधिवेशनाच्या निमित्ताने पत्रकारितेतील बदलते प्रवाह, डिजिटल माध्यमांची भूमिका, तसेच पत्रकारांच्या हक्क आणि कर्तव्यांवर विशेष सत्रांचे आयोजन करण्यात आले आहे. या कार्यक्रमामुळे पत्रकारांना नव्या दिशेने काम करण्याची प्रेरणा मिळेल, अशी अपेक्षा आयोजकांनी व्यक्त केली आहे.

युवराज धोतरे यांच्या नेतृत्वाखाली हे अधिवेशन यशस्वी होईल, असा विश्वास व्यक्त होत असून उदगीर तालुका पत्रकार परिषदेसाठी हा एक नवा अध्याय ठरणार आहे.एस. एम.देशमुख.विभागीय सचिव सचिन शिवशेट्टे,लातूर जिल्हा डिजिटल मीडिया परिषदेचे अध्यक्ष बिभीषण मद्देवाड,सचिव सिद्धार्थ सूर्यवंशी, पत्रकार हल्ला विरोधी कृती समितीचे तालुका निमंत्रक अर्जुन जाधव,यांनी युवराज धोतरे यांचे अभिनंदन करून त्यांना शुभेच्छा दिल्या.