तोंडार पाटी येथे झालेल्या अपघात प्रकरणी कार चालकांवर गुन्हा दाखल

तोंडार पाटी येथे झालेल्या अपघात प्रकरणी कार चालकांवर गुन्हा दाखल

उदगीर:तालुक्यातील तोंडार पाटी नांदेड बिदर रोडवर कार व स्कुटीचा अपघात होऊन एक जण जागीच ठार तर एक जण जखमी झाल्याची घटना 19 डिसेंबर रोजी दुपारी 3 वाजेच्या सुमारास घडली होती.याप्रकरणी कार चालकांवर ग्रामीण पोलीस ठाण्यात गुन्हा दाखल करण्यात आला आहे.पोलिसांनी दिलेली माहिती अशी की इर्टीगा कार क्रमांक एम.एच.24 बी.आर.9161च्या चालकाने त्याच्या ताब्यातील वाहन हायगायी व निष्काळजीपणाने चालवून फिर्यादी चालवत असलेली स्कुटी क्रमांक टी.एस.11 ई.एक्स.1580 ला जोराची धडक देऊन फिर्यादीचे चुलत सासरे शेख मुजाहीद सरदारसाब यांच्या मरणास व फिर्यादीस जखमी करण्यास कारणीभूत ठरला.अशी फिर्याद शेख फिरदोस शरफोद्दीन यांनी दिलेल्या फिर्यादीवरून कार चालकांवर उदगीर ग्रामीण पोलीस ठाण्यात गुरंन 696/23 कलम 304(अ) 279,337,भादवी प्रमाणे 19 डिसेंबर रोजी रात्री गुन्हा दाखल करण्यात आला आहे. पुढील तपास पोलीस हेडकॉन्स्टेबल शिरसे हे करीत आहेत.