वागदरी पाटी येथे अज्ञात वाहनांच्या धडकेत अनोळखी व्यक्ती ठार,वाढवणा पोलिसांकडून ओळख पटविण्याचे प्रयत्न सुरू

वागदरी पाटी येथे अज्ञात वाहनांच्या धडकेत अनोळखी व्यक्ती ठार,वाढवणा पोलिसांकडून ओळख पटविण्याचे प्रयत्न सुरू

उदगीर:तालुक्यातील वागदरी पाटी  उदगीर देगलूर रोडवर एक अनोळखी व्यक्ती अज्ञात वाहनांच्या धडकेत ठार झाल्याची घटना १६ फेब्रुवारी रोज शुक्रवारी सकाळी ६ वाजेच्या दरम्यान घडली,सूत्रांनी दिलेली माहिती अशी की वागदरी पाटी जवळ एक व्यक्ती मृत अवस्थेत रस्त्यावर पडल्याची माहिती वाढवणा पोलिसांना मिळाली यावेळी वाढवणा पोलीस ठाण्याचे सहाय्यक पोलीस निरीक्षक भीमराव गायकवाड, पोलीस उपनिरीक्षक एम.के.गायकवाड, शिवाजी केंद्रे,विक्रम उजेडे,पोलीस कर्मचारी सोनवणे यांनी घटनास्थळी भेट दिली व घटनास्थळाचा पंचनामा करून  मृतदेह ताब्यात घेवून उदगीर येथील सामान्य रुग्णालयात शवविच्छेदन करण्यासाठी दाखल करण्यात आले, मयत व्यक्तीची ओळख पटविण्यासाठी वाढवणा पोलीस प्रयत्न करीत आहेत,मयत व्यक्तीस ओळखत असल्यास खालील मोबाईल नंबरवर संपर्क साधण्याचे आवाहन वाढवणा पोलिसांनी केले आहे.

सपो निरीक्षक बी.एस.गायकवाड ९८२३७०७९८८

पोउपनि एम.के.गायकवाड ९७६७३४६४१८

पोलीस हवालदार सोनवणे ९६८९२७३९३७

पोलीस नाईक उजेडे ९९२१६३०५६७