बहिणीला भेटण्यासाठी आलेल्या भावावर काळाने घातला घाला,दुचाकी अपघातात ठार.मल्लापूर पाटी जवळ घडली घटना

बहिणीला भेटण्यासाठी आलेल्या भावावर काळाने घातला घाला,दुचाकी अपघातात ठार,मल्लापूर पाटी जवळ घडली घटना

उदगीर तालुक्यातील मल्लापूर पाटी जवळ उदगीर हणेगाव रोडवर दोन मोटारसायकलची समोरासमोर धडक होवून एक जण ठार झाल्याची घटना १३ मार्च रोज बुधवारी दुपारी तीन वाजेच्या सुमारास घडली तर एकाची प्रकृती चिंताजनक असल्याची माहिती सूत्रांनी दिली आहे,उदगीर हणेगाव रोडवर एम.एच.१४ सी.बी.९१४६ व एम.एच.४३ एइ ६६४० या दोन मोटारसायकलची समोरासमोर जोराची धडक बसली यात वलांडी येथील विकास गायकवाड वय ४० वर्ष यांचा मृत्यू झाला तर अजिंक्य विद्यासागर वाघमारे राहणार मल्लापूर हे गंभीर जखमी झाल्याने त्यांची प्रकृती चिंताजनक असल्याची माहिती समोर येत आहे,घटनेची माहिती मिळताच ग्रामीण पोलीस ठाण्याचे बिट जमादार नामदेव व्यंकट धुळशेट्टे,पोलीस अंमलदार महेबूब सय्यद,नजीर बागवान,यांनी घटनास्थळी भेट दिली, पत्रकार सुधाकर किशनराव नाईक यांनी रुग्णवाहिकेला कॉल केला परंतू रुग्णवाहिका वेळेत न आल्याने पत्रकार सुधाकर किशनराव नाईक हे उदगीरकडे येत असताना त्याच्या कार मधून तातडीने विकास गायकवाड याना रुग्णालयात घेवून जात असताना वाटेतच त्याचा मृत्यु झाला,मयत विकास गायकवाड हे मल्लापूर येथे बहिणीला भेटण्यासाठी आले होते,