जय जवान चौकात प्लॅस्टिकच्या बाटल्या वेचणाऱ्यांना अज्ञात वाहनांची धडक
उदगीर/प्रतिनिधी
उदगीर शहरातील जय जवान चौकात अज्ञात वाहनांच्या धडकेत एकाचा मृत्यू झाल्याची घटना २० मार्च रोजी घडली,याप्रकरणी उदगीर शहर पोलीस ठाण्यात अज्ञात वाहन चालकांवर २१ मार्च रोज शुक्रवारी दोन वाजेच्या सुमारास गुन्हा दाखल करण्यात आला आहे. याबाबत अधिक माहिती अशी की उदगीर शहरातील नांदेड बिदर रोडवर जय जवान चौकात प्लॅस्टिकच्या बाटल्या जमा करून विक्री करणारा हणमंत राम राहुलवार वय ६० वर्ष राहणार बनशेळकी रोड उदगीर यांना अज्ञात वाहन चालकाने २० मार्च रोजी जोराची धडक दिली यात ते गंभीर जखमी झाले त्यांना उपचारासाठी रुग्णालयात दाखल करण्यात आले परंतु उपचारादरम्यान त्यांचा मृत्यू झाला. याप्रकरणी संतोष हणमंत राहुलवार राहणार बनशेळकी रोड उदगीर यांच्या फिर्यादीवरून उदगीर शहर पोलीस ठाण्यात अज्ञात वाहन चालकांवर गुन्हा दाखल करण्यात आला आहे.आधीक तपास पोलीस हेडकॉन्स्टेबल कांबळे हे करीत आहेत.
0 Comments