उदगिरात भांडण सोडवायला गेलेल्याचा खुन; दोघांविरुध्द खुनाचा गुन्हा..

उदगिरात भांडण सोडवायला गेलेल्याचा खुन; दोघांविरुध्द खुनाचा गुन्हा..

उदगीर : प्रतिनिधी

उदगीर शहरातील समतानगर भागातील बस्वेश्वर चैका जवळ, सचिन भालेराव यांचे घराजवळ सुरू असलेले भांडण सोडवण्यासाठी गेले असता लाकडी दांड्याने डोक्यात मारुन खुन केले. याप्रकरणी गुरुवारी (५ सप्टेंबर) सायंकाळी उदगीर ग्रामीण पोलीस ठाण्यात दोघांविरुध्द खुनाचा गुन्हा दाखल करण्यात आला आहे. 

याबाबत अधिक माहिती अशी की, दि.३ सप्टेंबर रोजी रात्री नऊच्या सुमारास शहरातील समतानगर भागातील बस्वेश्वर चैका जवळ, सचिन भालेराव यांचे घराजवळ सुरू असलेले

आरोपी व इतर यांचे भांडण सोडवण्यासाठी बळीराम बापुराव सांगवे (वय ४० वर्षे  रा. समता नगर, विठ्ठल मंदिर जवळ ता. उदगीर) हे

गेले असता आरोपीनी संगनमत करुन फिर्यादीचे पतीला आरोपी सलमान व सज्जाद यांनी "तु बिच मे क्यु आ रहा है" असे म्हणुन शिवीगाळ करुन जिवे मारण्याचे उदेशाने आरोपी सज्जाद याने हातातील लाकडी दांडयाने डोकीत मारुन खुन केला.

याप्रकरणी निर्मला बळीराम सांगवे (रा. समता नगर, विठ्ठल मंदिर जवळ ता. उदगीर) यांच्या फिर्यादीवरून उदगीर ग्रामीण पोलीस ठाण्यात गु.र.नं.४९२/२०२४ कलम १०३(१),३(५) भारतीय न्याय सहिंता नुसार सलमान जिलानी पठाण आणि सज्जाद पि हाजीपाशा सय्यद (दोघे रा. मदीना मज्जीद जवळ, बनशेळकी रोड, उदगीर) यांच्या विरोधात गुन्हा नोंद करण्यात आला आहे. घटनास्थळी उपविभागीय पोलीस अधिकारी सोहेल शेख व पोलीस निरीक्षक राजकुमार पुजारी यांनी भेट दिली. अधिक तपास अधिक तपास सहाय्यक पोलीस निरीक्षक विशाल बाहत्तरे हे करीत आहेत.