उदगिरात घरफोडी, सोने, चांदीचे दागिन्यांसह १ लाख ५१ हजार ५०० रुपयांचा ऐवज लंपास..

उदगिरात घरफोडी, सोने, चांदीचे दागिन्यांसह १ लाख ५१ हजार ५०० रुपयांचा ऐवज लंपास..

उदगीर ग्रामीण पोलीस ठाण्यात अज्ञात चोराविरुद्ध गुन्हा..

उदगीर : प्रतिनिधी

उदगीर शहरातील विजय नगर काॅलनी बिदर रोड येथील एका घराचे कुलूप तोडून घरात प्रवेश करुन कपाटातील सोने, चांदीचे दागिन्यांसह रोख रक्कम असे एकुण १ लाख ५१ हजार ५०० रुपयांचा ऐवज चोरून घेऊन गेले. याप्रकरणी सोमवारी (१६ डिसेंबर) रात्री अकराच्या सुमारास उदगीर ग्रामीण पोलीस ठाण्यात अज्ञात चोराविरुध्द गुन्हा दाखल करण्यात आला आहे.

याबाबत अधिक माहिती अशी की, १५ डिसेंबर रोजी पहाटे पावणेचार ते १६ डिसेंबर रोजी सायंकाळी साडेपाचच्या दरम्यान शहरातील विजय नगर काॅलनी बिदर रोड येथील आरोपीने मूरलीधर हरीदास भंडे यांचे घराचे कूलूप तोडून आत प्रवेश करून घरातील लोखंडी कपाटात ठेवलेले सोन्याचे मिनी गंठन १५ ग्रॅम किंमत अंदाजे ६० हजार रूपये,  कानातील सोन्याचे सरपाळे ४ ग्रॅम किंमत अंदाजे १६ हजार रूपये, कानातील सोन्याचे झूमके दोन जोडी १६ ग्रॅम किंमत अंदाजे ६४ हजार रूपये, १ ग्रॅम वजनाची सोन्याची अंगठी किंमत अंदाजे ४ हजार रूपये, पायातील चांदीचे जोडवे ६ जोड १० तोळे किंमत अदाजे ६ हजार रूपये, असे सोन्या चे व चांदीचे दागीने एकूण किंमत १ लाख ५० हजार रूपये व नगदी रोख रक्कम १ हजार ५०० रूपये असा एकूण १ लाख ५१ हजार ५०० रूपयेचा मूदेमाल कोणीतरी अज्ञात चोरटयाने चोरून घेवून गेले आहे.

याप्रकरणी मूरलीधर हरीदास भंडे (रा.विजय नगर कॉलनी बिदर रोड उदगीर) यांच्या फिर्यादीवरून उदगीर ग्रामीण पोलीस ठाण्यात अज्ञात चोराविरुध्द गुन्हा नोंद करण्यात आला आहे. अधिक तपास सहाय्यक पोलीस निरीक्षक केंद्रे हे करीत आहेत.