शेतकऱ्यांनी सातबाऱ्याला आधार लिंक करून घ्यावे, उपजिल्हाधिकारी सुशांत शिंदे यांचे आवाहन

शेतकऱ्यांनी सातबाऱ्याला आधार लिंक करून घ्यावे, उपजिल्हाधिकारी सुशांत शिंदे यांचे आवाहन

उदगीर: उदगीर तालुक्यातील माळेवाडी येथे उपजिल्हाधिकारी  सुशांत शिंदे व तहसीलदार राम बोरगावकर यांच्या मार्गदर्शनाखाली १६ डिसेंबर रोज सोमवारी ॲग्रीस्टॅक योजने अंतर्गत शेतकरी बांधवांच्या सातबाऱ्याला आधार लिंक करण्याच्या कामाचा शुभारंभ करण्यात आला.

सदर योजनेमध्ये जे शेतकरी  आपल्या सातबाऱ्याला आधार लिंक केला आहे.त्या शेतकऱ्यांनाच यापुढे केंद्र शासनाच्या व राज्य शासनाच्या पीएम किसान,शेतपडीचे अनुदान,तसेच पंचायत समिती मार्फत राबवल्या जाणाऱ्या सर्व लाभाच्या योजना, तसेच कृषी विभागामार्फत राबवल्या जाणाऱ्या सर्व शासकीय लाभाच्या योजनेचा लाभ मिळणार असून सदर योजनेमध्ये ज्या शेतकऱ्यांनी नोंदणी करणार नाहीत.त्या शेतकऱ्यांना यापुढे शासनामार्फत कोणत्याही योजनेचा लाभ मिळणार नाही..

त्याकरिता सदर योजनेमध्ये नोंदणी करणे बंधनकारक आहे याबाबत सर्व शेतकरी बांधवांना उपविभागीय अधिकारी सुशांत शिंदे व तहसीलदार राम बोरगावकर यांनी मार्गदर्शन केले.

सदर योजनेमध्ये नोंदणी करण्यासाठी माळेवाडी येथील नागरिकांनी मोठ्या प्रमाणात प्रतिसाद दिला,योजनेमध्ये गावात शासनाचे सर्व अधिकारी येऊन नोंदणी करून घेत असल्यामुळे गावकऱ्यांनी प्रशासनाचे आभार मानले.

यावेळी उदगीर महसूल मंडळाचे मंडळ अधिकारी श्री शंकर जाधव,माळेवाडी गावचे तलाठी श्री अमोल रामशेट्टी,माळेवाडीचे  ग्रामसेवक श्री संजय राठोड, माजी सरपंच रवींद्र बिरादार, प्रगतशील शेतकरी मल्लिनाथ बिरादार,सचिनजी कडोळे, कोतवाल श्री रामकिशन राठोड,व माळेवाडी येथील शेतकरी उपस्थित होते.