डोंग्रज येथे नळाच्या पाण्यावरून महिलेला कुऱ्हाडीने मारहाण; चौघांविरुध्द गुन्हा...
उदगीर ग्रामीण पोलीस ठाणे अंतर्गत असलेल्या डोंग्रज (ता.चाकूर) येथे सार्वजनिक नळाच्या पाण्यावरून उद्भवलेल्या वादातून महिलेला तिच्या घरासमोर कुऱ्हाडीने मारहाण करून गंभीर जखमी केले. याप्रकरणी गुरुवारी (२६ सप्टेंबर) रात्री अकराच्या सुमारास उदगीर ग्रामीण पोलीस ठाण्यात चौघांविरुध्द गुन्हा दाखल करण्यात आला आहे.
याबाबत अधिक माहिती अशी की, दि.२५ सप्टेंबर रोजी सायंकाळी साडेपाचच्या सुमारास चाकूर तालुक्यातील डोंग्रज येथे फीर्यादीचे घरासमोर आरोपीनी संगणमत करुन फिर्यादीस, फिर्यादीचे पतीला सासुला मुलीला यातील आरोपीनी शिवीगाळ करुन लाथाबुक्याने मारहाण केली व बबन भागवत कांबळे याने फिर्यादीचे हातावर व डोक्यात त्याचे हातातील कु-हाडीने मारुन जखमी केले. व संगीता सुर्यवंशी, लक्ष्मीबाई कांबळे, बबन कांबळे, मोहन सुर्यवशी यांनी फिर्यादीस, फिर्यादीचे पतीला सासुला मुलीला जीवे मारण्याची धमकी दिली.
याप्रकरणी संपता श्रीमंत माने (रा. डोंग्रज ता. चाकुर) यांच्या फिर्यादीवरुन उदगीर ग्रामीण पोलीस ठाण्यात संगीता मोहन सुर्यवंशी, लक्ष्मीबाई भागवत कांबळे, बबन भागवत कांबळे, मोहन सुर्यवशी (सर्व रा. डोग्रज ता. चाकुर) यांच्या विरोधात गुन्हा नोंद करण्यात आला आहे. अधिक तपास पोलीस हेडकाॅस्टेबल नामदेव धुळशेट्टे हे करीत आहेत.
0 Comments