मतदानासाठी पैसे देणाऱ्या तिघांवर तर पैसे घेणाऱ्या दोघां महिलेवर उदगीर ग्रामीण पोलीस ठाण्यात गुन्हा दाखल

मतदानासाठी पैसे देणाऱ्या तिघांवर तर पैसे घेणाऱ्या दोघां महिलेवर उदगीर ग्रामीण पोलीस ठाण्यात गुन्हा दाखल

उदगीर:मतदानासाठी पैसे वाटप करणाऱ्या तिघांवर व पैसे घेणाऱ्या दोघां महिलेवर उदगीर ग्रामीण पोलीस ठाण्यात गुन्हा दाखल करण्यात आला आहे.पोलिसांकडून मिळालेली माहिती अशी की १) संदीप वैजिनाथ फड २) प्रशांत देविदास राठोड ३) तीरुपती माधव केंद्रे सर्व रा.हकनकवाडी ता.उदगीर तर मतदानाचे पैसे घेणाऱ्या १) पारुबाइ गंगाराम राठोड २) ललीता नामदेव राठोड दोन्ही रा.राठोड तांडा येथे १८ नोव्हेंबर रोजी दुपारी दोन वाजेच्या सुमारास गंगाराम मेंदु राठोड यांच्या घरासमोर राठोड तांडा या ठिकाणी तिघा आरोपीतांनी संगणमत करुन घडयाळ या पक्षाला मतदान करण्यासाठी पैसे वाटप करीत होते.आरोपीला विधानसभा निवडणुकीची आचारसहिंता लागु असल्याचे माहीत असतानाही मतदाराला घडयाळ यास मत देण्याकरीता लाच देत होते.यावेळी दोन मतदार महिलांनी लाच स्विकारुन अचार संहितेचा भंग केला आहे.व्यंकटेश रघुनाथ दंडे विस्तार अधिकारी यांच्या फिर्यादी वरून उदगीर ग्रामीण पोलीस ठाण्यात गुरंन १०५८/२४ कलम १७३,३ (५) भारतीय न्याय संहिता नुसार १९ नोव्हेंबर रोजी गुन्हा दाखल करण्यात आला आहे.पुढील तपास पोलीस निरीक्षक राजकुमार पुजारी यांच्या आदेशाने पोलीस उपनिरीक्षक कदम  हे करीत आहेत.